قالت الفنانة عايدة رياض، في برنامج «الستات ميعرفوش يكدبوا»، الذي يذاع على قناة «سي بي سي»، عن الموقف الذي فعله معها الفنان الراحل محمود عبدالعزيز وظل ثابتًا في ذاكرتها، بل أيضًا أشارت إلى أنه نبهها إلى خطأ في أدائها دورًا في بداية حياتها الفنية، لافتة إلى أن هذا الدور هو في فيلم «الدرب الأحمر»، والذي كان يجسد دور البطولة به الراحل وسهير رمزي.

وقالت «رياض»: «كنت في فيلم الدرب الأحمر معاه وكان عندي 18 سنة كده، كان قدامي توفيق الدقن الله يرحمه، كان مشهد كده كنت طالعه بنت وبعيط وهو بيتسجن وخلصت المشهد، لقيته بيقول لي أنتي يا بت أنتي هتعملي دوبلاج إزاي للدور ده، وطبعًا مثلت ومعرفش أن في دوبلاج وكده، وجه يوم الدوبلاج أفتكرت كلمته».

واستكمل: «وبعد كده اتعلمت أنغم صوتي وأعلي وأوطي، من الجملة بتاعته، ولما جيت أتفرج على الفيلم لقيت العياط مش مظبوط في دوري، واتعلمت لما يقولي دايمًا ذاكري يا عايدة التفاصيل واحفظي، وهتلاقي نفسك بتقولي ببساطه، وفي مسلسل باب الخلق هو اللي رشحني، وكلمني وكان بقالي 15 سنة مسمعتش صوته، كنت هشتم في التليفون لما كلمني أفتركتها معاكسه، وافتكرت صوته وبدأ يشرحلي الدور بسرعة».