قال الفنان هاني رمزي، في برنامج «ثلاثي ضوضاء الحياة»، الذي يذاع على قناة «الحياة»، عن البرنامج الذي قدمه في شهر رمضان الماضي «هاني في الأدغال»، مشيرًا إلى أن البرنامج كان يجعله يتحمل مسؤولية في خروج جميع الفنانين آمنين.

وتحدث «رمزي»: «الموضوع مش سهل زي ما هو مش سهل على ضيف البرنامج كمان، المقلب مش سهل، كنت بتعامل مش مع بني آدمين فمقدرش أوقفهم ولهم طبع مختلف تمامًا، وأول ما الشمس تبقى عمودية متلاقيش حيوان كله بينام، والحيوانات دي بتاكل كم لحمة يأكلوا بلاد، كل حاجة في وشي برضو مسؤولية لو حد جراله حاجه».

وتابع: «في حلقة فيفي عبده تقريبًا أنتم ماشوفتوش حاجة في الحلقة، حلقة فيفي بجد يا جماعة بالنسبة لي كانت ضحك، كنت بقع من على الكرسي في الضحك وكلها تيت بلا استثناء، وكنت بقول يا ربي وهنعرض الحلقة إزاي، فيفي دي تتدرس مش مجرد فنانة فيها حاجه كل الطبقات بتحبها، فعلا حلقتها نجحت نجاح رهيب جدًا».