تضامن الفنان سعد الصغير مع النجم تامر حسني بعد السخرية التي نالتها صورة له قبل الشهرة على مواقع التواصل الاجتماعي، وهو ما استدعى رد تامر حسني على الموضوع، ليتضامن معه العديد من الفنانين والمشاهير.
ونشر سعد الصغير صورة له قبل شهرته عبر حسابه الشخصي على موقع التواصل الاجتماعي “فيس بوك” وعلق عليها: “بعد إذن حضراتكم ممكن تشوفوا الكلام ده كويس ويا ريت للآخر.. اليومين دول شايف كفنان متابع كل ما هو جديد على ناس بتتريق على صورة الفنان المحترم تامر حسني.. المشكلة مش هتكلم علشان تامر بس المشكلة نفسي كل واحد يعرف الفنان أو أي حد تعب في المجال بتاعه لغاية لما بقى فنان ومشهور عمل إيه في حياته من وهو صغير”.
وتابع سعد: “يعني أنا في الصورة دي من وأنا صغير وكنت شاب لسه ولا قادر اتكسف انزلها ولا أي حاجة وأنت ياللي بتتريق شوف نفسك مش من وأنت صغير شوف من كام سنة شكلك كان عامل إزاي ودلوقتي في اختلاف كبير إزاي”.
وأضاف: “نركز شوية بقا في الكلام اللي جاي أقسم بالله أنا اشتغلت كل شغلانة في الدنيا حضرتكو تتخيلوها، وكل فنان محترم أكترهم كانوا كدا علشان يوصلوا للي هما في دلوقتي.. من تحت الصفر.. لغاية ما عملت نفسك بنفسك علشان كان حلم من وأنت صغير بتحبه ونفسك لو توصل بس لو حاجة منه”.
وتابع سعد الصغير: “أنا عن نفسي والله تعبت أوي أوي ونفس النظام حصلي في سنة من السنوات صورة ليه أنا وأمي بناكل زي أي حد وكتبوا سعد الصغير وهو فقير، الفقر لا يمكن يكون عيب أو أي حاجة بالعكس بيصنع رجل فيه يقدر يعتمد على نفسه في حياته الشخصية والمسؤولية.. اسال نفسك لاعب كرة القدم من عرق ومن شمس بتتعبوا ومن تمارين، واسأل نفسك من فنان سهران طول الليل وتصوير وتعبان علشان أكل العيش فى الآخر وصنع نفسه ويبقى مشهور.. لو سمحت ياريت قبل ما نتريق شوف ده بقى أي وأنت أي مع احترامي للجميع، شكرا”.