أذاع الإعلامي أحمد موسى، مكالمة مسربة بين الدكتور محمد البرادعي، والفريق سامي عنان، رئيس الأركان السابق، وذلك من خلال برنامجه “على مسئوليتي” عبر فضائية صدى البلد.
وجاء نص المكالمة كالتالي: “أيوه ياسيادة الفريق أزي حضرتك عامل ايه ..ربنا يطلعنا من الموقف اللي إحنا فيه”.
وقال سامي عنان: “هنخرج بمجهودتنا كلنا يادكتور”، ويستكمل البرادعي: “بقول لحضرتك ايه انا كان عندي اجتماع النهاردة مع شباب الإئتلاف، وكنا بنتكلم عن المشكلات والكلام ده والأوضاع الأمنية وموضوع “التحرير” والاعتصامات، وكان المطلب الرئيسي إقالة الوزارة كشرط لمنع تظاهرات الجمعة”.
وقال الفريق سامي عنان: “يعني حضرتك مقدرتش تقنعهم يستنوا على الوزارة الحالية لابد أن تحصل على فرصتها كاملة”، ويستكمل البرادعي: “إن ده المطلب الوحيد وهم شايفين الوزراء دول تبع مبارك، وبعدين أنا حاولت معاهم كتير ولكن الموضوع تحول معهم مثلما حدث مع الرئيس مبارك مش عارف ليه”.
فيما رد الفريق سامي عنان: “هم بيتكلموا في الوزارة في شخص أحمد شفيق يعني”، ويرد البرادعي: “هم بيتكلموا في 4 أو 5 أشخاص ومن ضمنهم أحمد شفيق يعني ووزير الداخلية وآخرون هبعتهم لحضرتك، ورأيي الشخصي إننا نجيب وجه جديد يشعرهم أن الرئيس مبارك ورجاله غادروا الموقع، على الرغم من أنهم يشيدون بالفريق شفيق.”.
وتسأل الفريق سامي عنان: “طب يادكتور هل ده سقف مطالبهم ولا هناك مطالب آخرى”، ليرد البرادعي: “ده سقفهم، واتكلمت معاهم وفي حاجت أساسيات ومطالب رفيعة لكن بعد الانتخابات، ممكن نتكلم في المحاكم العسكرية وهكذا، والانتخابات الرئاسية أولًا ومش كشرط”.