فتحت الفنانة زينة،  من جديد النار على الفنان أحمد عز، بعد حكم البراءة في قضية السب والقذف، التى أقامتها ضده منذ عدة أشهر.

ونشرت زينة على حسابها الرسمي على موقع الصور الشهير “إنستجرام”: “معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جدًا.. أولا مبروك البراءة من قضية السب والقذف في حقي ولو إن مبروك من تهمة دي مش حاجة تشرف أوي.. يعني أنت ما اخدتش جائزة نوبل!! وكدة كدة ماكنتش هاسيبك تتسجن علشان ولادك مايبقاش أبوهم رد سجون”.

وأضافت: “ارجع بقى من لندن اللي أنت مستخبي فيها.. ماتخافش.. أما بقى لو جبت سيرة ولادك وقضية النسب دي تاني هيكون ليا تصرف تاني معاك وبالقانون لأن القضية دي اتقفلت لآخر يوم في عمرك.. بطل كدب وبطل تضحك على الناس لأن الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم.. وكفاية بقى فيلم محترم دة علشان ماحدش بيصدقه غيرك”.

وختمت: “الناس عرفت حقيقتك وياريت تبطل تستغبى الناس.. والأهم من دة كله لو كان تم الحكم عليك كنت هاحس إن ربنا بيحبك وبيكفر عنك في الدنيا.. لكن الحمد لله حتى يبلغ الحمد منتهاه حسابك عند رب العالمين شايلهولك كله في الآخرة ومفيش أعظم من حساب ربنا.. وابقى روح لربنا قوله أقسم بالله”.

وكانت محكمة جنح مستأنف مدينة نصر، قضت أول أمس الثلاثاء، ببراءة الفنان أحمد عز، وقبول الاستئناف المقدم منه على حكم حبسه 3 سنوات مع الشغل، وكفالة ألف جنيه وتغريمه 15 ألف جنيه، لاتهامه بسب وقذف الفنانة “زينة”، عقب تقدمه ببلاغ ضدها ينفي فيه نسب طفليهما.