تحدثت الفنانة المصرية مي كساب، عن تفاصيل خاصة بابنتها الأولى “فريدة” من زوجها مطرب المهرجانات أوكا، قائلة: “أول أسبوعين بعد الولادة كنت عصبية زيادة عن اللزوم وعياط ومتلخبطة لأني معنديش خبرة، وكانت اي حاجة غريبة بتحصل لها كنت بدخل على النت وبقعد أقرا فيها.. وبعد كده هديت.. الأمومة مش سهلة بس مستهلة”.

وعن طريقة تعامل زوجها أوكا مع ابنتهما، قالت مي خلال لقائها مع برنامج ET بالعربي،: “في ناس أوهموه ان في أول مرحلة هتبقى مرتبطة بس بأمها، فكان منفسن جدا ويقولي دي بتحبك أكتر مني دي عارفاكي ومش عارفاني، وهو لازم كل يوم يشيلها ساعتين علشان أعرف أنام.. لأني لا أنام”.

وأضافت مي عن اسم ابنتها: “محمد كان عايز يسميها “حواء” وأنا كنت عايزة أسميها مريم أو ليلي، لكن بابا قال نسميها “فريدة” فخلاص قضي الأمر”، وعما إذا كانت “فريدة” تشبهها أكتر أم تشبه والدها أوكا، علقت: “هي عين وحواجب والدها لكن بقي وخدودي ومناخيري ودقني وشعري”.