آثار فيديو تم تداوله عبر موقع التواصل الاجتماعي “فيسبوك” يرصد تسجيلًا صوتيًا لـ “خناقة” بين وليي أمر طالب وطالبة بإحدى المدارس، عبر تطبيق المحادثة “واتس آب”، موجة كبيرة من السخرية.
ومن جانبه رد والد الطالب الذي يدعى عبدالرحمن، وقال: “اللي عنده معزة يربطها.. أنا ابني يبوس اللي هو عايزه، لو بنتك محترمة ومؤدبة مكنتش خليته يبوسها وكانت اشتكت للآبلة”.
وخرجت إحدى الأمهات المشاركات بجروب أولياء أمور إحدى المدارس، لتكشف عبر حسابها على “فيسبوك” حقيقة التسجيل الصوتي.
وقالت هاجر أم عبد الله الشواف “البوست ده بخصوص الموضوع المنتشر تحت مسمى خناقة أولياء الأمور فى جروب على الواتس آب، ياريت نشر كلامى ده وعلى مسؤليتى لأنه الموضوع زاد عن حده جدا، عشان بس الكلام الكتير ومحدش عارف أى خلفيات، الكلام ده فى فصل ابنى فى الصف الأول وفى مصر مش برة مصر لأنه فى ناس بتقول برة مصر”.
وتابعت: تسجيل الأم كان فى جروب الفصل ع الواتس آب اللى كله أمهات، وفى حد مش عنده ضمير فى الجروب معانا أخد التسجيل طلعه برة الجروب وعشان كده انتشر بهذه السرعة، واللى طلع التسجيل مطلعش باقى التسجيلات لأنه التسجيل ده بتاع أم البنت، بعدها أم الولد ردت وبعدين أم البنت ردت عليها، الشاهد إن الموضوع له تكمله موقفش عند هذا التسجيل، كان نفسى الرد التانى بتاع أم البنت يتنشر زى ما ده اتنشر عشان الناس تفهم أساس الموضوع وخلفياته من أول السنة، لكن حد قصد يطلع تسجيل معين لغرض معين”.
وأضافت: “الولد ده من أول السنة قرفنا فى المدرسة كلام فى حاجات منتهى قلة الأدب والسفالة وشتيمة كمان، وصدقا أنا أستحى أقول الكلام اللى بيقولوه وعيالنا سمعوه منه، وإحنا كأمهات تواصلنا الأول مع أمه عشان سلوكيات ابنها إن كان سلوك لفظى أو سلوك أخلاقى، لكن للأسف مفيش أى موقف بيتاخد مع الولد وبيزداد فى قلة الأدب، وآخر مازهقنا تم التواصل مع المدرسة وتم استدعاء ولى أمر الولد والمدرسة دلوقتى متابعة الولد، إحنا لا نعيب أبدا على الطفل لأنه مهما كان ده طفل ومحتاج متابعة وتقويم وده اللى كنا بنطلبه، شئ تانى مهم جدا من باب الإنصاف، ورد الرجل غالبا ده مش أبو الولد لأنه جروب الواتس آب كله أمهات مفيش رجالة خالص”.
وكشفت: “غالبا حد عمل تسجيل من باب التنكيت والتريقة وتم نشر تسجيل الرجل ده على أنه أبو الولد، وأخيرا أنا بجد كان لازم أرد لأنه الموضوع زاد عن حده، وسبحان الله ربنا قدر لأم البنت تاخد حسنات وهى قاعدة فى بيتهم، ويكفى قولها على كل اللى حصل ده حسبى الله ونعم الوكيل، وربنا يشهد ع كلامى ده”.
التسجيل الصوتي::