فاجئ الفنان أحمد حلمي جمهوره على موقع تداول الصور «إنستجرام»، بنشره أول صورة لنجله سليم، والتي ظهر فيها بوجهه، وتُعتبر تلك أول صورة لسليم.

وعلق أحمد حلمي على الصورة قائلًا: «لما كنت طفل كان كل حاجه في حياتي. جبل كبير ضخم كله قوة، وعلي قد قوته كانت حنيته. عمري ما انسي كف أيده الدافئ وهو حاضن أيديا الصغيره، نينني عيننه اللي بيضحك لما بيبص في وشي، كنت بحس بالامان لانه مركز معايا وواخد باله مني، لا شغل شاغله عني ولا اهتمام كان ناقصني. حفظني طريق مدرستي زي ماحفظني امشي في اول خطوتي من الكنبه للترابيزه وهو بيشجعني ومحاوطني بدرعاته.. انه أبي.. انه أبويا.. انه والدي.. انه بابا».

وتابع أحمد حلمي: «اللي زرعه ابويا من اهتمام وتواصل فرق معايا كتير . او بمعني ادق خلاني اب اعرف اتعامل مع أطفالي . شكرا يا ابي شكر دائم ومستمر مدي الحياه. شكر اتمني اني استحقه وأسمعه من ابني وبنتي لما يكبروا فأشكرك شكر تاني ..

شكرا لكل اب بمناسبة عيد الأب .. وطبعا طبعا طبعا شكرا لكل ست لانها هي اللي ولدت وربت كل طفله بقت ام وكل طفل بقي اب .. يونيسف الشهر ده بتحتفل بكل أب في مصر وفي العالم كله».

ويُذكر أنه انتشر على مواقع التواصل الاجتماعي في وقت سابق صورة لـ «لي لي» مع أخيها «سليم» نجلي أحمد حلمي ومنى زكي، حيث ارتدى الطفلان قميص نادي برشلونة الرياضي مع رقم 10، رقم اللاعب ليونيل ميسي، ولم يظهر وجههما في الصورة بل فقط ظهرهما.