أعلنت الراقصة برديس، عبر صفحتها على موقع التواصل الاجتماعى “فيسبوك” اعتزال الرقص نهائيا وذلك بعد وفاة الراقصة غزل.

وقالت برديس :”اعتزل الرقص بشكل نهائى وغير مسئولة عن أى فيديوهات تنشر لى وهذا القرار جاء بعد صدمتى بخبر وفاة الراقصة “غزل”.

وجاء نص منشورات برديس كالتالي ” لكل حبايبي واخواتي وأصحابي الي بيحبولي الخير أحب اقولكم. انا اعتزلت الرقص الشرقي تماما وقرار لا راجعه بجد اد ايه الانسان لسان في ثانيه عند ربنا وانا كنت علي علم بكده بس بجد الواحد كان في غفله قسما بالله ان اول مره افقد حد كنت بشوفه. قدام عيني. من نفس المجال والهي العظيم من يوم سماعي الخبر وانا مدمره وعدم. حضوري الجنازة والهي العظيم كنت خارج مصر بس الله يرحمها وقطع لسان اي حد يجيب سيرتها محدش عالم بظروف حد الا ربنا فالحمد لله ده قراري بجد وعلي فكره انا مش لبسه الحجاب انا عايشه حياتي. بالتزام وعايشه سني الي بيضيع مني في مجال كله ياله نفسي وربنا يديني الخير ويديني. الذريه الصالحه وانا مش مسؤلة عن اي صفحه تنزل صور ببدل واو اي فيديوهات اواي كليب نزل او هينزل دي حاجات قديمه انا صفحتي دي الشخصيه. وأنتو كلكو أصحابي وبحبكم. ربنا يحسّن خاتمتنا وموت الغفلة ويهدينا جميعا”

وأضافت : “ياريت كل أصحابي يقفلوا اي صفحه من الصفحات الي عليها صور الشغل ويعملو شير لأصحابهم دي مساعده منكو ليا ريبورت لأي صفحه ناس عاملها ليا الله يجزيكم خير انشاء الله”

وشيع العشرات جثمان الراقصة “غزل” من مسجد السيدة نفيسة، بعد أداء صلاة الجنازة عليها عقب صلاة الجمعة الماضية، متوجهين لمحافظة الإسكندرية لدفن الجثمان، بعدما لقيت مصرعها أثناء إجراء عملية بأحد المستشفيات في حدائق الأهرام.