قالت الإعلامية “داليا فرج” طليقة المخرج سامح عبد العزيز الأولي ، بعد القاء القبض علية وحبسة بتهمة حيازة مخدرات ، “سامح عبد العزيز أجدع وأطيب صديق فى الدنيا، وأحن وأعظم أب، وعلى فكرة هو كمان لو حصل لى حاجة هو سندى وضهرى زيه زى تامر، ووائل ربنا هايفك كربه و يفرج همه و ينصره، علشان قلبه الأبيض وعلشان بناته واثقة فى ربنا، يا جبل ما يهزك ريح..خلص الكلام“.

وقد خرجت الاعلامية عن صمتها، بعد إلقاء القبض على طليقها المخرج سامح عبد العزيز، بتهمة حيازة مخدرات قبل 3 أيام بمنطقة الهرم، مؤكدة أنها تسانده في كل الأزمات التي يمر بها.

وأعلنت داليا عبر صفحتها علي موقع التواصل الاجتماعي “فيس بوك” أن “سامح ليس فقط والد بناتها، إنما صديق وأخ وعشرة عمر“، وأضافت قائلة “طيب بالنسبة للأخوة الصحفيين اللى بيحاولوا يجيبوا رقمى، واللى جابوا بالفعل وماردتش، أنا مش هارد على أى صحفى بشكل شخصى، وكلمتى واحدة وقلتها زمان وهاقولها تانى، للتأكيد سامح مش بس أبو بناتى، سامح صديقى وأخويا وعشرة عمرى كله، نتخانق نزعل نطلق، أه، لكن وقت الشدة إحنا الاتنين ضهر بعض واحد، اللى يوجعه يوجعني، واللى يسيء ليه يسيء لى، واللى يقول عليه كلمة أكله بسنانى“.

وكان سامح وداليا قد انفصلا بعد انكشاف زواجه من الفنانة روبي قبل عامين، واستمر الانفصال بينهما على الرغم من طلاقه والأخيرة.