روت المتهمة في قتل شاب بمنطقة المرج تفاصيل الجريمة، موضحةً أنها قامت بتلك الجريمة دفاعًا عن نفسها لأنه كان ينوي الاعتداء عليها.

وقالت المتهة خلال لقائها مع الإعلامي الدكتور عمرو الليثي، في برنامجه «واحد من الناس»، والمُذاع عبر فضائية «الحياة»: «الموضوع حصل يوم 25 رمضان اللي فات، وبعد العصر لقيت الباب بيخبط قلت مين قال أنا مندوب ومعايا عروض، فتحت الباب وأخدت منه شامبو، دخلت اجيب فلوس لقيته جاي ورايا في الأوضة، قال لي أنا عاوز منك حاجة أنا عاوز أريح نفسي وهمشي».

وأضافت المتهمة: «أنا رفضت وقلت له احنا في شهر كريم، وهل أنت ترضى الموضوع ده على اختك! وبعد كده بدأ يحط إيده على بقي عشان يكتم صوتي، وطلع من جيبه حاجة كده زي سكينة صغيرة».

واستطردت: «زقني على السرير وحاول يعتدي عليا وأنا حاولت أدافع عن نفسي واقوم من على السرير لكن معرفتش، وبعد كده كان في صينية في أوضة النوم فيها مانجة وسكينة على الكوميدينو، ما حستش بنفسي غير وأنا بضربه بالسكينة».