أثار حارس مقابر بمحافظة الفيوم حالة من الجدل بعد أن روى واقعة غريبة تفيد بعثوره على طفل داخل أحد المقابر، وذلك بعد أن سمع صوت غريب داخل القبر بعد دفن جُثمان سيدة بأسبوع كامل.

بدأت القصة على مواقع التواصل الاجتماعي، منشور تداوله العشرات من النشطاء مشيرين فيه إلى غرابة الواقعة، وقال ناشر القصة ويُدعى «أحمد عبدالله»: «قصة غريبة جدًا يا جماعة.. النهاردة كنت في المقابر بزور جدي المتوفي فؤجئت بحركات غريبة وكذا حد موجودين في المقابر.. أنا ما اهتمتش لكن الغريب إني لقيت عم محمد طالع بيجري من أحد القبور وبيقول الست الميتة ولدت».

وأضاف أحمد في المنشور: «سألت عم محمد إيه الموضوع قال لي إنه دفن واحدة الأسبوع اللي فات وكانت حامل ماتت وهي حامل والدكاترة قالوا إن المولود مات في بطنها كمان قبل ما هي تموت أصلا، المهم بقى النهاردة الصبح وانا قاعد جوة في الأوضة سمعت صوت طفل بيعيط حاولت أعرف الصوت جاي منين ما عرفتش.. قربت من اكتر من قبر وفجأة افتكرت القبر ده.. لقيت الصوت جاي من عنده فعلًا».

واستطرد: «الطفل كان نازل من بطن امه ازاي مش عارف احنا للأسف لقيناه ميت بس الغريب إنه كان نازل أرزق جدًا تحس انه حاجة كده نبت شيطاني حاولنا نعرف نزل إزاي والأغرب كمان إن الجثمان كان تقريبا بحالة الدفن».

واستطرد أحمد منشوره قائلًا: «أنا الصراحة اول ما سمعت الكلمتين دول لفيت ومشيت على طول..يا جماعة اللي بيفهم في الحاجات دي يا ريت يفهمنا هل ده ممكن يحصل ولا الراجل ده بيخرف ولا إيه».

ولم يتسنى لـ «مباشر 24» التأكد من الواقعة، واكتفينا بنقل القصة كما ذكرها الشاب على حسابه الشخصي على موقع التواصل الاجتماعي «فيسبوك».