روت فتاة تُدعى قمر تعرضها لعملية اغتصاب على يد أحد أثرياء قريتها، موضحةً أنها تعمل خادمة وتساعد والدة المتهم في أعمال المنزل، وأنه غرر بها باستخدام المخدر واغتصبها.

وقالت قمر خلال لقائها في برنامج «صبايا الخير»، المُذاع عبر فضائية «النهار»: «أنا بروح أخدم عند ناس، وفي يوم أمه قالت لي إدي له رقم تليفونك عشان لما نعوزك تيجي تعملي معانا حاجو او تنضفي البيت، وفي تالت يوم العيد فوجئت بيه بيتصل بيا وبيقول لي ماما عاملة عزومة لعمتي، ورحت اخدت توك توك ورحت الفيلا عندهم ولسه داخلة من باب البيت لقيت عمرو اللي كان سايق التوك توك مشي».

واَضافت قمر: «طلعت أنا فوق وبعدين سألته فين والدتك واخواتك البنات، راح قال لي إنتي خايفة ولا إيه، جاب لي كوباية عصير ورحت من الدنيا خالص ما فوقتش غير وهو شايلني على ايديه وسابني على الطريق».

وتابعت الشابة: «بعد 3 شهور الدورة الشهرية انقطعت عندي ورحت للدكتورة قالت لي ده ضُعف وامشي على الدوا ده، المهم بعد فترة لقيت بطني بتكبر، رحت لدكتور تاني قال لي أنتي حامل يا قمر، وعملت تحايل وتقرير طبي أكد إني حامل لكن لسة عذراء».