تحدث الفنان هشام سليم عن بعض تفاصيل حياته الشخصية، خلال برنامج “هنا العاصمة” مع الإعلامية لميس الحديدي، المذاع عبر فضائية “سي بي سي”، وتطرق للأزمة الكبيرة التي نشبت بينه وبين زوجته السابقة، وقال إن ابنتيه لا يحرصون على الاتصال معه وأنهما لا يتحدثان إليه على الإطلاق.

وأضاف “سليم”: “بناتي مش بيعبروني ولا حتى بيسألوا عني، ودي للأسف مشكلة أي أب وأم بينفصلوا وكل واحد فيهم بيحاول يكره ولاده في التاني، والموضوع مع طليقتي وصل للقضايا والمحاكم وكل حاجة عندها هي وبناتي الفلوس والماديات وبس”.

وتابع: “مفيش أي حد في النص بيحاول يصلح ولا حد ينفع يعمل حاجة لأن زي ما قلت هما عندهم كل حاجة الفلوس، لكن أنا متأكد إنهم لما يكبروا ويعقلوا هيفهموا إيه الصح وإيه الغلط وهيعرفوا إني كنت بحبهم فعلا”.

وعن سبب الطلاق، قال الفنان هشام سليم: “الموضوع مكنش صغير والمشاكل بتحصل في كل بيت، لكن أنا يوم ما طلقت روحت لوالد مراتي قلتله بصراحة، أنا مش مالي عين بنتك، وهنا وبعد الكلمة دي مفيش كلام تاني واتقال والموضوع اتقفل”.

وفي النهاية وجه هشام سليم رسالة مؤثرة إلى ابنتيه قائلًا: “عايز أقولهم بس إني بحبهم، وماينفعش يصدقوا أي حاجة بتتقال ليهم، لأن في كلام كتير مش صح، وعايز أقولهم إني لو مكنتش بحبهم كنت خلفت من جوازتي التاني”.

وأضاف في رسالته: “وأنا في مرة كنت بكلمهم وبقولهم كده زين وقسمت بناتي، لقيتهم ردوا عليا وقالولي وانت في سنك ده تقدر تخلف أصلا، والحقيقة إني كنت أقدر أخلف فعلا وقتها لكن مرضتش، مرضتش علشان أنا بحبهم، ومسيرهم في يوم من الأيام هيفهموا الكلام ده”.