كشف الفنانة الكبيرة يسرا ، عن تفاصيل وأسرار بدايتها، خلال لقاءها ببرنامج “صالون أنوشكا”، مع الفنانة أنوشكا، المذاع عبر فضائية “دي إم سي”، وكشفت عن تفاصيل دخولها عالم الفن، ونرى هنا أن يسرا تكشف أسرار بدايتها الفنية وأول أجر لها في التمثيل.

وقالت يسرا: “كنت بحلم إني أمثل، بعد ما في مرة شوفت السيدة سعاد حسني بتمثل في الشارع وأنا معدية جمبها بعربية بابا، وشوفت الكاميرات والزحمة والنجومية وقلت من ساعتها أنا عايزة أبقى كده، وعايزة أبقى ممثلة”.

وأضافت: “بعد سنتين كنت في حلقة على الراديو وطلبوا مني أغني أغنية، وكنت ساعتها بحب واحد اسمه علي، وغنيتله أغنية بإسمه علشان كنت عايزة أوصله رسالة، وبعد ما غنيت الأغنية عجبتهم جدا، واتفاجئت بعدها إن مدير التصوير عبد الحليم نصر سمعها في برنامج “على الناصية”، وطلب يشوفني وفعلا روحتله”.

وتابعت: “فعلا روحت وكان عنده أكبر منتجين مصر، وقعدني قدامه، وفضل يلف حواليا ويبص على ملامحي ويركز في وشي، وبعدها لقيته بيقولي أنا هديكي أول بطولة فيلم في حياتك، وقتها ماصدقتش قلتله بطولة بطولة فعلا، قالي أه بطولة، ووقتها اداني أول أجر ليا، وكان 1000 جنيه، وكان وقتها الـ1000 جنيه ده مبلغ كبير جدًا”.