كشفت شخصية «شيخ الحارة» عن تعرض الفنانة الاستعراضية سما المصري للاعتداء داخل أحد اقسام الشرطة، وذلك من قبل بعض المحبوسات داخل القسم.
وسألت الإعلامية بسمة وهبة خلال برنامج «شيخ الحارة»، المذاع عبر فضائية «القاهرة والناس»: «هل فعلًا تعرضتي للاعتداء والضرب في السجن؟».
وردت سما المصري قائلةً: «أنا محدش يقدر يمد إيده عليا ده أنا أقطعها له، هما الصراحة كانوا بنتين غلابة جايين في سرقة، أنا اتاخدت على خوانة لأن أن محدش قال لي إني رايحة القسم عشان أتحبس ولا حاجة، هما قالوا لي إني هعمل إخلاء سبيل من القسم، وانا رايحة على الأساس ده، لقيت باب مكتوب عليه الحجز ولقيت المأمور بيقول لي أدخلي، قلت له كلمني كويس».
وتابعت الفنانة الاستعراضية في تصريحاتها: «أول ما دخلت لقيت بنتين كنت عارفة إنهم حرامية، قلت لهم عليا النعمة اللي هتقرب لي هشرحها، وبعد كدة استقبلوني كويس وانا قعدت أعيط وحكيت معاهم شوية».