اثارت فتاة تدعى «شريهان نور الدين»، جدل كبير على مواقع التواصل الاجتماعي، بعد طلبها الغريب على صفحتها الشخصية عبر «فيسبوك» -وذلكحسبما ذكر موقع sputniknews-.
وأنشأت «شريهان» صحفة على موقع «فيسبوك» باسم «بشتري راجل»، ونشرت مقطع فيديو مسجل لها، تطلب فيه متبرعا بحيواناته المنوية، مؤكدة أنها تريد أن تصبح «سينجل مازر».
وقالت «شريهان»: «أحلى حاجة في الدنيا الأطفال…لو أقدر، كنت جبت دستة، بس أنا ماتجوزتش قبل كده، ولا عايزة أتجوز، أنا ناجحة جدًا في حياتي العملية، عايشة عيشة مريحة ومش محتاجة حد يسندني ماديا… بس بخاف قوي من الوحدة الحل الوحيد اللي قدامي إني أبقي أم».
وأضافت: «إبتديت أسأل على موضوع تجميد البويضات علشان أطول المدة اللي أعرف أحمل فيها، المهم وأنا بعمل تحاليل اكتشفت إن عندي مشكلة بتخلي نسبة حملي ٤٠٪ وإن كل ما الوقت بيعدي، فرصتي في الخلفة بتقل، أنا قررت إني أعمل عملية تلقيح صناعي مع شخص مستعد يتبرع بحيوناته المنوية في مقابل مادي…الموضوع هيمشي رسمي: (مأذون — أنبوبة معمل — مأذون)، أنا بس عايزة طفل من غير لا غرام ولا انتقام».
وعرضت شريهان خلال الفيديو المبلغ التي جمعته طيلة حياتها، وحولته بالدولار، مضيفة أنها ستهديه لأي رجل يوافق على التبرع لها بحيواناته المنوية، عن طريق عملية تلقيح صناعي.