دخل رئيس نادى الزمالك فى مشادة حامية مع شريف منير حسن عضو مجلس الإدارة خلال الساعات القليلة الماضية.
وأفادت مصادر بتفاصيل الخناقة التى دارت بين رئيس الزمالك وبين عضو مجلس الإدارة حيث بدأ رئيس الزمالك تهكمه على منير خلال جلوسه داخل النادى وهو يشير لمن يجلس معه قائلا ” بالذمة دا شكل عضو مجلس إدارة بدخل معايا الإنتخابات وكدا خلاص هو خارج القائمة.
فرد عليه منير، قائلا:” قائمة ايه اللى بتتكلم عليها وأنا نجحت فى الإنتخابات الماضية من غيرك وربنا معايا وانت كنت ضدى وبعدين نادى الزمالك مش عزبة ومش بتاعك”
وقال رئيس الزمالك “عليا الطلاق لو نجحت فى الإنتخابات ياشريف هقدم إستقالتى”
فرد شريف قائلا “يارب أنجح علشان نرتاح منك”وبمجرد مغادرة شريف منير المكان قام رئيس الزمالك بالتلفظ بالقول فسمعها منير ليعود من جديد ويقول له ” لو عايز تقول حاجة قولها وعلى فكرة دا أخرك فما كان من رئيس النادى الا ان ابتسم وهو الأمر الذى أثار غضب شريف منير