لوسي تصدم جمهورها بتصريحات مثيرة للجدل بشأن أسرتها

قالت الراقصة الاستعراضية لوسي إن ابنها متصالح جدًا بعملها، ولا يجد أي مشكلة في كلام الناس حوله ، موضحةً أنه دائمًا ما يقدم لها الدعم.

وأصافت «لوسي» في تصريحات تليفزيونية لها: «ابني ما يعرفش يعني إيه معايرة، من مهنة أمه، بالعكس خالص ودايمًا بيقولى هزى كويس، واخلصى فى شغلك وتركيزك يبقى فى الهز، وفى شكل فنى ورقيق ومحترم، وهزى كويس مقصود بيها خلى بالك من شغلك».

وتابعت الراقصة الاستعراضية أنه لا يوجد أحد فى أسرتها يغضب من رقصها على الإطلاق، مشيرة إلى أن الرقص هو السبب فى جعلها ممثلة متميزة، موضحةً: «لولا الرقص ما كنت بقيت ممثلة وبحس بالحركة، الرقص ثقف ودنى وسمعى وخلاه رقيق».

وأوضحت أنها اتخذت مهنة الرقص بإرادتها منذ سن الـ9 سنوات، وأجبرت أهلها على تلك المهنة، موضحة: «اشتغلت فى الرقص بإرادتى وغصب عن أهلى»، متابعة: «اللى بيقولوا الرقص حرام بيقعدوا معانا وبيجبونا فى أفراحهم وحفلاتهم».