قال الداعية السلفي سعيد الفتاح الشهير باسم “أبو أسلم السلفي”، أنه لا يجوز للمرأة المسلمة ارتداء مايسمى بالمايوه الشرعي وماهو إلا بدعة من بدع الشيطان التي يضحك بها على عقول المسلمات.
وكتب أبو أسلم السلفي خلال منشور له عبر حسابه الشخصي على موقع التواصل الإجتماعي “فيسبوك”: مافيش حاجه اسمها مايوه شرعي ، اوعي الشيطان يضحك عليكِ ، مفيش حاجه اسمها تنزلي المياه وترفعي النقاب ، لو حضرتك منتقبه ديانة لله عزوجل يبقا النقاب في البلكونه والشارع أن السلم وقدام ابن عمك وابن عمتك وفي المصيف وفي كل مكان ، مش بمزاجك ، مفيش حاجه اسمها ه راجل كبير عادي ، الحرام على الصغير حرام على الكبير ، مفيش حاجه اسمها صاحبي او زميلي وتبادل تليفونات ورسايل واتس ، وإرسال صور وتبادل اموشنات ، وبعد كده نتكلم في الحياة الزوجية وفي الخصوصيات وأسرار البيت وكل واحد يعيش دور المظلوم من الطرف التاني اللي معاه “.
وأضاف الداعية السلفي في منشوره:” مافيش حاجه اسمها لسه صغير ، مادام بالغ وحب عليك تتعاملي معاه معاملة البالغ العاقل من ناحية السلام والخلوة والخروج والسفر والحجاب وو..الخ ، مفيش حاجه اسمها خطيبي .. خطيبك ده أجنبي عنك . الحق الوحيد ليه انه لا يجوز خطبتك على خطبته . غير كده مالوش . لا خروج ولا فسح ولا يمسك ايدك ولا بحبك ولا انت عمري ولا الجو ده خالص ، مفيش حاجه اسمها رحلة فيها صحابك بنات وولاد . وطالعه ٣ أيام ومش معاك محرم . اقسم بالله حرام عليك وعلى الأب اللي رضي بالوضع ده”.
