سخر عدد من نشطاء مواقع التواصل الإجتماعي “فيسبوك”، من قصة فتاة نشرت عبر إحدى صفحات المشاكل الإجتماعية، ووصفها البعض بأنها “مختلة عقليًا”، لارتباطها بأربعة شباب، وتريد اختيار شخص منهم للزواج به.
وكتبت صفحة “society problems”، على لسانها: “بحب 4 وبحبهم بحبهم فعلًا ومش بسلم باليد على حد فيهم عشان مكنش بخون التاني ولا بسمح حته بتجاوز لفظي … اثنين بيفسحوني وثالث بيهتم بيا في طلباتي والرابع حمش وديمًا بيتصل بيا ومهتم بيا أوي والأربعه مراكز اجتماعيه راقيه”.
وأضافت: ” المشكله انهم عايزين يتجوزوني بس أنا مش عارفة اختار وعايزاهم كلهم بحبهم بحبهم أوي حته لما بفكر بفكر فيهم هما الأربعه مابحبش الخيانه”.
وأختتمت: ” صليت استخاره وبردو متعلقه بيهم وهما بيلحو في التقدم لخطبتي… اختار مين ؟”.
وجاء تعليق “سلمى محمد”، ساخرًا: ” اختاريهم كلهم ده أوفر أوعي تفوتيه بس أهم حاجه تعدلى بينهم عشان يباركلك أعمللهم أربع أوض مرقمين وقسمى شغل البيت وطلباتك عليهم.. أنت هبلة يا بت”.
كما سخر آخر، قائلًا: ” انتي عارفه أحلى حاجة في الموضوع ده، إن فعلًا عندك أمانة ودي حاجه فعلًا أحنا محتاجنها الأيام دي بارك الله فيكي يا اختاه وأنتي ادام نيتك صافيه كدا ربنا هيكرمك ان شاء الله .. يارب اكرمها يارب بصوت (حناوي)”.
