خلال آخر حلقات برنامج “صبايا الخير” لللإعلامية ريهام سعيد، المذاع على فضائية «النهار»، أذاعت مقطع فيديو لسيدة تدعى نهى مجدي، تستغيث فيه من زوجها، قائلة: «تزوجت من فنان شهير، وهو موزع موسيقي كبير، ويعمل في أماكن كبيرة وخاله موسيقار كبير وهو من عائلة مقتدرة، وتم الطلاق منذ 5 سنوات بعد أن أنجبت منه طفلتين».
وأضافت خلال الفيديو: «أنا مش عايزة منه غير أنه يتحمل مسئولية بناته من أكل وشرب ومصاريف المدرسة»، متابعة: «مش طالعة في الفيديو علشان أقدم أغنية أو أعمل شو، لكني أبحث عن تربية بناتي كويس، وإزاي أعرف أدفع لهم مصاريف المدرسة، وأنا مش بتكلم في حاجات ترفيهية ومينفعش يطلعوا ويلاقوا باباهم وأسرته في مكانة كويسة وهما محرمون من ذلك».
واستطردت السيدة نهى: «أنا أخترت نشر الفيديو بعد أن فكرت كثيرا، وميهمنيش مين هيشوف إيه ويقول إيه لكني أبحث عن النتيجة، والفيديو يخلي أهل زوجي يروحوا يدفعوا مصاريف المدرسة أو أنه حماي يتنازل عن قضية طردي أنا وبناتي من الشقة، ووالدي ووالدتي متوفين ومليش حد، ولو الفيديو ده مجبش نتيجة أكيد مش هيكون الأخير وأكيد في يوم من الأيام هاخد حق بناتي».