قامت المواطنة “يارا علاء الدين” بنشر فيديو علي صفحتها الشخصية علي فيس بوك لقيامها هي وأسرتها بانقاذ شاب سورى من الاختطاف بشارع حسنين هيكل. ، حيث لاحظت سيارة يقودها ملثم وبالمقعد الخلفي لها شخص يستنجد ويحاول الخروج من السيارة، وقام والد الفتاة بمطاردة السيارة فيما أخذت تصرخ لتجذب انتباه المارة والسائقين للسيطرة على السيارة.
واستطاعت العائلة إيقاف السيارة وإخراج الشاب وكان شبه مخدر وأمسك الشباب والمارة بالملثمين و قاموا بضربهم وتم تسليمهم للشرطة .
وجاء نص ما كتبته كالتالي : مكنتش أتخيل إن ممكن أتحط في الموقف ده كنت انا وابنى وأمى وأبويا وأختى في العربية في شارع حسنين هيكل عند العطارة الهندية لاحظت عربية سايقها واحد ملثم وواحد عمال يرفس في العربية على الكنبة بلمح البصر والدى ابتدى يجرى ورا العربية وابتديت أصوت عشان ألفت نظر الناس تساعد إننا نمسك الناس دول، فشباب ابتدت تجرى وراهم وواحد بموتوسيكل حاول يلحقهم بس داسوا عليه الحمد الله ربنا قدرنا إننا نمسك الناس دول ورا السلاب الولد المخطوف كان شاب سورى بس أنا كنت فاكرة إن بنت وبغض النظر عن الإصابات اللى حصلتلى أنا ووالدتى والعربية لأن قعدنا نخبط جامد في العربية فضلنا واقفين لحد ما البوليس جه وقولنا أقوالنا واتطمنا على الولد وبمساعدة ناس وشباب كتير أوى جريوا ورا الملثمين ومسكوهم وخدوا علقة محترمة ” الشاب السورى تقريبا في آخر العشرينات هم كانوا خاطفينه بالعربية وهو كان مضروب جامد ومتخدر مقدرش ساعتها يحكى الحصل وكان معاهم شنطة فيها حبل ومخدر.