انتشرت في السنوات الأخيرة ظاهرة التحرش والاغتصاب في مصر، حتى أننا أصبحنا نسمع العديد من الأخبار حول هذا الأمر بشكل يومي، وأصبحت الشوارع غير آمنة بالمرة للفتيات، خاصة اللاتي يخرجن من بيوتهن وحدهن، وأصبحت كل فتاة عليها التفكير مليًا لإنقاذ نفسها في كل مرة، وهو ما حدث في الواقعة الآتية.
حيث كشفت فتاة على موقع التواصل الاجتماعي “فيس بوك” تدعى “سمية فؤاد”، عن تعرضها لمحاولة خطف واغتصاب، من خلال “توك توك” كانت به وحدها، إلا أنها تمكنت في اللحظة الأخيرة من إنقاذ نفسها، وفي الآتي، تروي الفتاة عبر حسابها الشخصي تفاصيل الواقعة.
وقالت الفتاة: “اللى حصلى النهاردة ده كان كابوس، أنا هحمد ربنا عليه لحد آخر نفس فيا، هفضل آحمد ربنا الحمد الله رب العالمين إنى رجعت البيت لأهلى سليمة، وياريت كل بنت تاخد بالها من نفسه،ا احنا بقينا ف بلد بنت (….)، مافيش فيها آمان، والناس بقيت (…) من ال(….) بمعنى الكلمة”.
وأضافت الفتاة الضحية: “النهاردة في عز الضهر أنا كنت هتخطف بكل سهولة، الموضوع بدأ إني ركبت توك توك كنت لوحدى فيه، ولستر ربنا ببص في المرايا لاقيت أطفال قاعدين ورايا”.
وتابعت “سمية”: “أنا لمده ثوانى عقلى اتشل، اتشل بمعنى الكلمة، اللى هو ازاى دول قعدين وأنا أصلا لوحدى، ببص ورايا لقيت 3 بنات قعدين في المكان اللى بيكون ورا ده، وبمجرد ما بصيت عليهم كان اترش عليا حاجه خلتنى مش قادره أتكلم”.
واستطردت: “فجأة اتحولت كل حاجة حواليا لصدى صوت، بحمد ربنا إن أنا رميت نفسى من التوك توك، ورميت نفسي ازاى أنا معرفش، معرفش لحد دلوقتى ده حصل ازاى، الحمد الله الحمد الله يارب إنك ماوجعتش قلب أهلى عليا”.
