شن الإعلامي عمرو أديب هجوما عنيفا على رئيس المجلس الأعلى لتنظيم الإعلام،مكرم محمد أحمد بشأن قائمة علماء الأزهر الذين لهم حق الفتوى عبر وسائل الإعلام المختلفة.
حيث أوضح خلال حلقة الأمس من برنامجه “كل يوم” المذاع عبر فضائية “ON E” :” أتحدى إن تصريح واحد واضح بخصوص الكلام ده.. تروح تتكلم مع الأزهر يقولك ده المجلس الأعلى للإعلام.. نروح للمجلس الأعلى للإعلام يقولك أنا مالى ده الأزهر.. ما تطلعولنا بيان رسمى للقنوات”.
وتابع:”وهل هذا تصرف جيد لناس عاوزة تنظيم الفتوى فى مصر.. ما تكونوا شجعان وقولوا أيوة احنا عملنا كدة وخلاص اتحمل المسئولية.. لكن ماحدش عاوز يتحمل مسئولية القرار.. لا الأستاذ مكرم ولا الأزهر.. ما تقولولنا إن انتو قررتوا إنها تبقى زى الملالى فى إيران، إنه يبقى فيه شيخ واحد هو اللى يقول ويعمل وكلنا هنرجعله وخلاص”.
ويبدوا أن الاعلامي عمرو أديب كان يحضر مداخلة هاتفية مع مكرم محمد أحمد ولكنه رفض عمل مداخلة بسبب هجوم عمرو عليه فعلق قائلا:”مكرم مرضيش يدخل معايا على التليفون علشان أنا بهاجمه.. إزاى الراجل المسئول عن الإعلام يضايق إن فى حد بيهاجمه”.
ووجه له رسالة تهديد قائلا:” طب أنا ههاجمك على طول إيه رأيك.. أنا لا بخاف ولا بقلق وابقى وقف البرنامج خلينا نقعد فى البيت ونستريح بما إنك ناوى تسكت الناس كلها.. أنا مش عاوزك ترد عليا ولا تتكلم معايا بس طلع قرار شجاع واضح أن هؤلاء هم الخمسين اسم اللى موافق عليهم”.